يا قمر سبع وثماني

من روائع الشاعر الكبير : محمد الاحمد السديري هذه القصيدة التي نالت
على اعجابي واحببت ان تشاركوني قرائتها :

يا قمر سبع وثماني .. زارني ظبي يماني // يا قمر ليتك تشوفه .. يا قمر سبع وثماني
حاشه الله من نصيبي .. يا قمر شكله غريبي // يا قمر ليتك تشوفه .. يا قمر سبع وثماني
لابس له عقد هندي .. يا زعيم زار جندي // زارني باول محرم .. او رجب ولآ رمضاني
ماشط الراس موده .. والهوا يومي بعوده // زارني باول محرم .. او رجب ولآ رمضاني
صورته بدر التمامي .. اشهد انه هو مرامي // هام قلبي في غرامه .. ما يطيع اللي نهاني
يا عذول القلب خله .. ما يطيع اللي يدله // هام قلبي في غرامه .. ما يطيع اللي نهاني
عودها نبنوب بردي .. حاملٍ بزهور وردي // عودها بيدي لويته .. مثل عود الخيزراني
حبني حسن الدلالي .. وانهصر عوده ومالي // عودها بيدي لويته .. مثل عود الخيزراني
قلت له يا سيد روحي .. الحذر عني تروحي // يا حياتي وانت ناري .. وانت فردوس الجناني
عقبكم كني يتيمي .. انت بالدنيا نديمي // يا حياتي وانت ناري .. وانت فردوس الجناني
قال انا وياك دايم .. مثل طفلينٍ توايم // راضعين من الموده .. ما يفرقنا الزماني
ما نخونك يا حلالي .. لو يطولن الليالي // راضعين من الموده .. ما يفرقنا الزماني