بــديــت بــاســم الله عــــلام مـــا خــفـى
عـــالــم نــوايــانـا وهـــــي تــــو بــالـصـدر
بــأمــره تــــدور أفــــلاك والــكــون عــامــر
ولاد وحــيــات ومـــوت والـبـعـث والـحـشـر
فـسـبـحـان مــــن هــــذا بــأمـره وقــدرتـه
جــــل وتــعـالـى مــنـزل الـكـهـف والــزمـر
الــشـمـس كــوكــب والـكـواكـب عــديـده
الارض والـــزهـــرة وعـــطــارد ولا أحـــصــر
وأورانـــــوس وبــلـوتـو ونــبـتـون أعــدهــن
وزحــل بـجـنب الـمـشترى صــف بـالسطر
ومــن قـبـله الـمـريخ مــا أنـسـاه يــا فـتى
وتـسـعة كـواكب شـمسهن نـورها أنـتشر
ونــيــازكـن ونـــجــوم وأقـــمــار بــالـسـمـا
مـخـتـلـفـة الأحـــجــام بــالـكـبـر والــصـغـر
كـــواكــبــن تـــــــدور بــالــكــون دايــــــره
حــنـا حـسـبـناهن وهـــن يـفـنـن الـبـشـر
حــســابـهـن قــــــرون وعـــقــود لــلــمـلا
وسـنـيـن وأشــهـر لــيـن حــطـوك بـالـقـبر
وأيــــام مــــع ســاعــات وأذكــــر دقــايـق
وثـــوانـــيٍ مــعــلـوم كــالـلـمـح بــالـبـصـر
أقـــــــرأ بــــآيـــات الـــكــتــاب ودلايـــلـــه
دســتـورنـا الــقــرآن يــوضــح لــنـا الـخـبـر
فــــي ســــورة آل عــمـران آيـــة وعــبـرة
فــــي مــيــة وتـسـعـيـن عــبــرة ونـعـتـبر
فــيـهـا اخــتــلاف الــلـيـل يـخـلـف نــهـاره
وخــلـق الـسـمـا والأرض يـاثـاقـب الـبـصـر
فــسـبـحـان رب الــكــون بــرمــج نــظـامـه
جــــل وتــعـالـى عــالــم الــسـر والـجـهـر
تــفـكـرت أنــــا بــأفــلاك ونــجــوم وقــتـنـا
بــبــروجـهـا وفــصــولـهـا دايـــــم أفــتــكـر
تـتـبـعـت إحــســاب الــنـجـوم بـتـجـاربـي
فــصــول وبــــروج تــــوالا عــلــى الــدهــر
أحــسـب وأدقـــق قـــدر عـرفـي وأعـدهـا
حسب عرفي الشخصي عن النقص أعتذر
فــــلا أدعــــي عــــرف الــخـلاوي راشـــد
ولـــكــن أنـــــا ســافــرت بــالـبـر والــبـحـر
ولا أدعـــــي مـــثــل الــعـجـيـري صــالــح
ولا الـقـاضي الـلـي فــي تـمـاثيله أشـتهر
ولـــكـــن أنــــــا أزرع وأبــــــذر واجــتــهــد
وأســقـي بـأرضـي وأركــز الأرض بـالـشجر
حـسب حـاجتي فـي عـرف الأفـلاك قلتها
وكــــلٍ حــسـب عــرفـه يــبـادرك بـالـخـبر
ثـمـانـيـة وعــشـريـن نــجـمـن حـصـرتـهـن
وإثــنــا عــشــر بـروجـهـن وأفــهـم الـنـمـر
وثــلاثـة عــشـر لـكـل نـجـمٍ حـسـبت لــه
ســـوى واحـــد يــزيـد يــوم عـلـى الأٌخــر
بــديــت أنــــا بـالـقـيـظ أحــسـب نـجـومـه
أول نـــجــوم الــقـيـظ فــيـهـا لــنــا ظــهــر
تــشـوف الـثـريـا سـبـعـة أنـجـم تـلاصـقت
تــغـور الـمـيـاه وقــيـل يــرتـج مـــاء الـبـحر
تـــرى بـرجـها الـجـوزاء بـهـا الـحـر إحـتـدم
الـعـشـب يــبـس وتـرتـفـع عــاهـة الـثـمـر
ومــــن بــعـدهـا الــدبــران يـتـبـع دبــورهـا
يــتــبـع بـــســرعٍ لـلـثـريـا عــلــى الأثــــر
وهــــو كــوكــب مــعـروف كـلـبـاه والـغـنـم
كــوكــب مــنـيـر ســاطــع نــــوره أحــمــر
هـــو الـتـويـبع عــنـد أهـــل نـجـد يـنـعرف
يــطــول الــنـهـار نــهـايـة الــلـيـل بـالـقـصر
ومـــن بـعـدهـا الـهـقعة الـسـرطان بـرجـها
ي الــجـوزاء الأولـــى تـبّـيـن مـــع الـفـجـر
فـيـهـا اشــتـداد الــحـر مـحـلـف تـسـمـى
وفـيـهـا الـسـمـايم لافــحـات كـمـا الـشـرر
ومــــن بــعـدهـا الـهـنـعة ثــلاثـة كــواكـب
نــظـيـم لــلـجـوزاء تـنـظـم عــلـى ســطـر
بــهـا تـعـرق الـعـلباء وتـكـنس بـهـا الـظـباء
مــن الـقـيظ كـنـك فـوق واهـج مـن الـجمر
ومـــن عـقـبـها نـجـمٍ تــرى بـرجـه الأســد
هـــو الــمـرزم الـمـعـروف يــاواسـع الـنـظر
تــشــوف الــسـراب بــكـل قـــاع تــرقـرق
ودار مــطـرهـا صــيـف يـكـثـر بــهـا الـمـطـر
ونــجــمـيـن الــنــثــرة بـــعــرضٍ تــقـابـلـن
مــا بـيـنهن فــي راي عـيـنك ســوى مـتـر
هـــن الـكـلـيبين الـلـي عـرفـنا حـسـابهن
فـيـهن تـشـوف الـلـون فــي سـاير الـبسر
وتـــأوى الـمـواشـي فــيـه قــالـوا لـحـجره
ويـــــقــــل در لـــلــحــلايــب ولا قــــطــــر
ونــجــم فــــي بـــرج الـسـنـبلة يـذكـرونـه
الــطــرف يــطـلـع عــقـب نـجـمـين الـنـثـر
هــو سـهـيل نـجـم مـضرب الـناس بـالمثل
سـهـيل الـيـماني واســع الـصـيت والـذكـر
الــلـيـل بــــارد فــيــه لا شــــك احــتـرص
تــرى ثـيـاب الـصـوف والـجـوخ فــي خـطـر
خــطــر عـلـيـها الــسـوس يـلـزمـك فـلـهـا
وتـلمس بـوسط الـليل مـا شـئت مـن تـمر
هـــاذي نــجـوم الـصـيـف كـمـلـت عــدهـا
وجــاك الـخـريف الـلـي نـجومه تـبي حـصر
أولـــهـــن الــجــبـهـه كــواكــبــه أربـــعـــه
الـسـنـبـلـه بـــرجــه ويــنــعـاج بــالـسـطـر
فــيــهـا يـــخــف الـــحــر عــنــا ويـنـكـسـر
ويــطـيـب لـلـسـمّار فـــي لـيـلـه الـسـهـر
ومـمـنوع نـومـك مــن تـحـت قـبة الـسماء
إلا عــلــيــك إلـــحـــاف مـــلـــزوم تـــدثــر
والـــزبـــرة الـــلـــي كــوكـبـيـن تـــواقــدن
مــــا بـيـنـهـن بـالـبـعد مــتـر عــلـى قـــدر
الــلــيـل بـــــارد مـــــع ســمــوم بــنـهـاره
وفــيـهـا صـــرام الـنـخـل بـالـسـرع يـبـتـدر
ويـنـصـح بـسـقـى الـنـخـل فـيـهـن بـكـثرة
فــي عـامـك الـمـقبل يـشـوقك بـها الـثمر
حــيـث أنــهـا بـالـسـقى تــاخـذ غــذاءهـا
وتــعــتــد بــاسـتـعـداد لــلـقـنـو لا ظـــهــر
والــصــرفـة الــمــيـزان مــعــلـوم بــرجــهـا
فــيــهـا انــصــراف الــحــر والــحــر انــبـتـر
هــــي كــوكــب شــامــي أبــيــض تـــلالا
فــي حـجـم الـتـمرة إلــى أمـعـنت بـالنظر
إلـــــى طــلــع لــيـلـك يــســاوي نــهــاره
هــذا الـحـساب الـلـي عـرفـته مـن الـصغر
فـــي عــاشـر أيـــام لـهـا يـدخـل الـوسـم
يــبـدا الـمـزن يـنـشا مــن الـغـرب مـنـحدر
يــبـدا بــغـرس الـنـخـل والــظـل خـمـسـه
أقـــدام مـــع نــصـف بــهـا الـظـل يـنـكسر
إن جـــا الـمـطـر يـنـبت بـهـا هـوبـر الـفـقع
وتـنـبـت بــهـا الأعـشـاب بـالـروض والـوعـر
وتــاتـيـك الــعــوّاء تـــرى نـجـومـها أربــعـة
تـشـبـه لـحـرف الــلام مـنـكوس بـالـسطر
تـــرى نــورهـا خــافـت بــهـا يـكـثر الـمـطر
تـسـمى ثـريـا الـوسم يـغرس بـها الـشجر
ويــبـذر بــهـا الـبـرسـيم والـدخـن والـبـصل
والــفـجـل والــكــراث وأذكـــر لـــك الــجـزر
وفـيـهـا مـــن الأمـــراض بــالـزرع مـحـتـمل
بــيــاض عــلــى الأوراق دبّــــاس يـنـتـشر
عــلــيــك بـالـكـبـريـت عـــالــج زراعـــتــك
عــــن الــمـن والــدبـاس بـالـصـبح يـعـتـفر
تـقـول الـعـرب طــاب الـهوى أضـرب الـخباء
وقــربــتـك أوزيـــــرك يــجــب مــــاه يــنـثـر
والــسـمـاك ســمـاكـان مــاهـنـب واحــــد
رامــــح وأعــــزل يـتـوالـن عــلـى الـبـشـر
رامــــــــح لأنـــــــه كــوكــبــيـن تـــحــفّــه
أعـــزل وحــيـد ومـعـتـزل بـــان مـــا انــدثـر
تــــرى بــرجــه الــعـقـرب وظــلــه ســتــه
أقـــدام مـحـسـوبات مــن مـاضـي الـعـصر
فـيـهـا هــيـاج الأبـــل يـــرزم بــهـا الـفـحل
ونــــوه غــزيــر قـــل مـــا يـخـلـف الـمـطـر
يـنـبـت بــهـا عــشـب وتـرعـى بــه الأبــل
وهـــي خـطـيـره مــنـه مــعـروف بـالـنـشر
ويــــزرع بــهـا الـكـمـون ويـطـيـب غــرسـه
وإلــى مـضـى عـشـر تــرى الـقـمح يـنبذر
أمــــا الـغـفـر فــيـه الــعـرب قـــد تـبـاركـوا
قــالــوه بــالأمـثـال مــــن مــاضـي الــدهـر
ثــلاثــة كــواكــب ســبـعـة أقـــدام ظـلـهـا
يــذكــر لــنــا فـيـهـا تـــرى يـتـربـل الـنـظـر
وتــهـاجـر الــحـداة إلـــى الــغـور والــرخـم
وجــسـم الـمـسافر فـيـه مـلـزوم يـقـشعر
والــنـمـل صــــار بـبـاطـن الأرض واسـتـقـر
ويــلـقـط بــــه الـزيـتـون بـالـشـام يـنـعـصر
ثــــم الـزّبـانـي وأعـــرف الــقـوس بـرجـهـا
نـجـمـيـن بــانــن واضــحــات لــمــن نــظـر
إلـــى مــضـى ســبـع وأكـــدت حـسـبهن
مـــن الـزبـانـى أعــرف الـوسـم قــد ظـهـر
وإلــى أنتهـن فـاعرف خـريفك تـرى انـتهى
وفــــي نــوهــا يــشـتـد الــبــرد والـمـطـر
كــمـلـت أنــــا بــــروج الـخـريـف ونـجـومـه
وجـاك الـشتاء يـقلب عـلى الـبطن والظهر
أولـــهـــن الأكــلــيــل ثـــلاثـــة أنــجــمــه
مــصـطـفـة مــعـتـرضـة تــقــصـد الــقــشـر
هـــي الـمـربـعانية ويـسـقـط بــهـا الــورق
ودخـــان جـــوف الـمـرء يـخـرج إلــى زفــر
فـيـهـا كـثـيـر الـغـيـم والـسـحـب بـالـسما
ومـــوج الـخـلـيج يــشـد يـتـصـافق الـبـحـر
وتـــزرع بــهـا الـحـلـبه ويــدرك بـهـا الـجـزر
صـقـعة وصـقـيع وبــرد قــارس مــع الـفـجر
والـقـلـب فـيـه الـشـمس مـلـزوم تـنـصرف
ويـكـسـي أتـرنـجـه أصــفـر الـلـون بـالـثمر
أطــــول لــيـالـي الــوقــت مـعـلـوم لـيـلـه
وإلا نـــهـــاره عــارفــيـنـه بــــــه الــقــصــر
والـشـولـه الــلـي بـالـجـدى عـــد بـرجـهـا
تـشـبه ذنــب عـقـرب لـوتـها عـلـى الـظهر
وبـوسـطـهـا نـجـمـيـن أنــظــر لـرسـمـهـن
هـــن شـوكـة الـعـقرب أصّــور لــك الـصّـور
الـمـربـعـانـيـة تــــــرى آخــــــر نــجــومـهـا
الـشـولـه الــلـي قـلـت بـالـوصف مـخـتصر
مــــن بــعـدهـا شــــف الـنـعـايـم تـوايـقـن
ثـــمـــان فــيــهــن واردات وبــــــه صـــــدر
أربــــــــع وردن بــالــمــجــرّة وشــــرّعـــن
وأربــــع مــنـهـن خــارجــات عـــن الـمـجـر
ثــانـي عــشـر يــوم مــن طـلـوعها أفـتـكر
يـظـهر بـهـا الـهـدهد يـغـرد عـلـى الـشجر
بــهــا يــبـتـدي طــلــع الـنـخـيـل الـبـواكـر
ويــجـري بــعـود الـتـين مـاهـا مــع الـجـذر
هــي شـبـاط الأول فــي حـسـابن قـريـته
مـــا تـــاه مــن يـنـشد ومــن يـاخـذ الـعـبر
ومــــن بــعـدهـا الــبـلـده لــــزوم أعــدهـا
شــبــاط ثــانــي يــاهـل الــعـرف والـفـكـر
بــعـد عـشـرة أيــام مــن طـلـوعها افـتـهم
فـيـهـا حــسـاب الــسـت يـاواسـع الـبـصر
ثـــلاث مـــن الـبـلـدة واضــبـط حـسـابـهن
وثـلاثـة مــن الـذابـح بـهـن أغـرس الـشجر
تـــــزواج بــهــا الأطــيــار والــظــل ســتــه
وبـــرج الــدلـو هـــو بـرجـهـا فــيـه تـنـذكـر
ومـــن بـعـدهـا الـذابـح سـعـد بــان لـلـملا
نـجـمـيـن يـمـانـيـين فـــي غــايـة الـصـغـر
هــي الـعـقرب الأولــى بـها يـورق الـشجر
وتـكـثـر بــهـا الأعــشـاب والـفـقـع بـالـقـفر
فــيـهـا الــعـنـب قــلــم وجــهـز عـرايـشـه
والــمـاء يـسـير بـوسـط الأعــراق مـنـتشر
وســعــد بــلــع بـالـحـوت بــرجـه ومـنـزلـه
ثــانــي الــعـقـارب لا حـسـبـتـه وأخــتـصـر
وســعـد الـسـعـود آخـــر نــجـوم الـعـقارب
يـكـره جـلـوس الـشـمس والـتوت بـه ثـمر
والأخــبــيـة الــحـمـل مــعــروف بــرجـهـن
يـصـلـح بــهـن الـحـجـم والـفـصـد لـلـبـشر
هـــو الـحـميم وعـنـد أهــل نـجـد يـنـعرف
لــيـلـه ونــهــاره ايــتـسـاون عــلــى قـــدر
ثـــــــم الــمــقــدم الــحــمـيـم الــثــانــي
الــقــمـح يــحـصـد عـارفـيـنـه بــــلا غــتــر
ويـــجــي الــمــؤخـر هــــو الــــذراع الأول
نــــوه غــزيــر بــــإذن ربــــي إلــــى أمـــر
ثـــــم الـــرشــا هـــــو الـــــذراع الــثـانـي
الـــثــور بـــرجــه أبــشــر بــغــزر الــمـطـر
بـــــوارح الــمـشـمـش تـــهــب ريــاحــهـا
وفــيـهـا انـعـقـاد الـلـولـوه وســـط الـمـحـر
ومــن بـعـده الـشـرطين وتـسـمى الـنـطح
فــيــهـا الـــبــوارح مــــع بــواكـيـر الــثـمـر
ثـــــم الـبـطـيـن بــرجــه الــجــوزاء طــلــع
الـعـشـب جـــف وقـــل فـــي نـــوّه مـطـر
هـــذا حــسـب عــرفـي وفـهـمـي أذكــره
يــــا سـامـعـيـن الــقــول بـالـنـقص اعــتـذر
وخـتـمـتها بـأزكـى صـلاتـي عـلـى الـنـبي
عـــدد مـــن يــئـم الـبـيت لـلـحج واعـتـمر