اسعد الله اوقاتكم بكل خير
هذه طبخة بسيطة وهي عبارة عن مقلوبة الدخّل وهي موضحة بالصور التالية خطوة بخطوة
باستخدام قدرين الاول خاص بالدخّل والثاني خاص بالرز
وسوف نبدأ في أول صورة وهي عبارة المقادير :
طمام , بصل , ثوم , معجون طمام , ماجي , بهارات , ملح , لومي اسود مطحون , كركم
الدخّل والرز ولكل منهم قدر خاص فيه
وبسم الله بدينا في عملية الطبخ وهي حمس البصل والثوم مع الدخّل
ثم اضافة بعض البهارات والملح
بعد كذا اضافة الطمام بعد عصّره بالخلاط
ثم اضافة قليلاً من الماء
وتركه يغلي قليلاً
أما القدر الثاني اللي هو قدر الرز وبعد ما اضفنا له شوي زيت وماء وملح نتركه لفترة بسيطه يطبخ على نار هادي علشان ما يحترق ويقرّر بالشكل اللي تشوفونه بالصور
القدر اللي على اليمين للرز واللي يسار للدخل
وهذي صورة لقدر الرز بعد ما استوى ونضج
الحين نقوم نكب الرز في القدر الثاني اللي هو قدر الدخل مثل ماهو موضح بالصورة
ونتركه يطبخ لفترة بسيطه
بعد ما انتهت الطبخة ونضجت نشيل القدر ونحط الصحن فوقه كأنه غطاء ثم نقلب القدر والصحن مثل ما هو موضح بالصورة ومن هنا جت تسمية هالطبخه بالمقلوبة
هذه هي النتيجة الفتاكة 
بالهناء والشفاء 
أنتهى التقرير وأتمنى أن ينال على رضاكم وأستحسانكم
